Amdanom ni
Cenhadaeth Ymestyn yn Ehangach Gogledd a Chanolbarth Cymru yw ehangu mynediad trwy gynyddu nifer grwpiau blaenoriaeth Ymestyn yn Ehangach o’r ardaloedd mwyaf difreintiedig yng Ngogledd a Chanolbarth Cymru na fyddent fel arall wedi ystyried mynd i addysg uwch.
Pwrpas Ymestyn yn Ehangach Gogledd a Chanolbarth Cymru yw:
- Ehangu mynediad i Addysg Uwch lefel 4 gydag amrywiaeth o ddulliau a mecanweithiau cyflwyno, gan weithio ar draws meysydd amddifadedd yng Ngogledd a Chanolbarth Cymru gydag amrywiaeth o ddarparwyr.
- Lleihau’r rhwystrau i fynediad at addysg uwch a chynyddu dyheadau addysgol unigolion a thrwy hynny eu helpu i lwyddo ar addysg uwch lefel 4.
Rhoddir blaenoriaeth i’r grwpiau a nodwyd gan HEFCW sef:
Unigolion a grwpiau sy’n byw yn nau gwintel isaf Mynegai Amddifadedd Lluosog Cymru sef y 40% isaf o boblogaeth Mynegai Amddifadedd Lluosog Cymru. Yn y meysydd hyn, byddwn yn canolbwyntio ar nodi ac ymwneud â:
- Phobl ifanc sydd yn eu blynyddoedd olaf yn yr ysgol gynradd hyd at Gyfnod Allweddol 4 (16 oed) sydd yn y 40% isaf o boblogaeth Mynegai Amddifadedd Lluosog Cymru
- Oedolion dros 21 oed nad oes ganddynt gymhwyster lefel 4 sydd yn y 40% isaf o'r boblogaeth Mynegai Amddifadedd Lluosog Cymru
- Unigolion gyda phrofiad o ofal o bob grŵp oedran
- Gofalwyr o bob grŵp oedran