Egluro’r jargon

Mae prifysgol yn rhywle i bobl astudio gradd, neu gymhwyster addysg uwch arall. Mae 9 prifysgol yng Nghymru, dros 150 o brifysgolion yn y DU a dros 240 o golegau yn cynnig cyrsiau addysg uwch.

Mae cwrs mynediad yn gwrs sy’n cefnogi dysgwyr aeddfed yn ôl i addysg. Dydy hi byth yn rhy hwyr i fynd i’r brifysgol.

Yn wahanol i fenthyciad, mae bwrsari'n gymorth ariannol a ddarperir gan brifysgol neu goleg a does dim angen ei dalu'n ôl. Mae fel arfer yn cynnwys prawf modd ar gyfer aelwydydd incwm is.

Tir, adeiladau a chyfleusterau prifysgol neu goleg.

Dyma’r cymhwyster a ddyfernir i fyfyrwyr ar ôl llwyddo i gwblhau cwrs astudio Addysg Uwch. Efallai eich bod wedi gweld pobl gyda byrfoddau ar ôl eu henw. Mae’r byrfoddau hyn yn cael eu dyfarnu yn dibynnu ar y math o radd – BA Baglor yn y Celfyddydau, BSc Baglor yn y Celfyddydau, BEng Baglor mewn Peirianneg, BEd Baglor mewn Addysg.

Mae gofynion mynediad yn golygu’r amodau y mae’n rhaid eu bodloni er mwyn cael lle i astudio. Yn aml, mae’r rhain yn gyfuniad o ofynion, er enghraifft cymhwyster, pwnc neu radd benodol sy’n berthnasol i’r cwrs rydych yn gwneud cais amdano.

Dyma’r term sy’n cael ei ddefnyddio i gyfeirio at fyfyrwyr addysg uwch newydd.

Pan fydd llawer o bobl o bob cwr o'r wlad yn cyrraedd yn yr un lle, mae’n gyffredin i fyfyrwyr newydd gael symptomau tebyg i'r ffliw.

Blwyddyn i ffwrdd o addysg ar ôl astudio Lefel A a chyn mynd i’r brifysgol. Mae llawer o bobl yn defnyddio’r amser i deithio neu i gael profiad gwaith perthnasol yn y maes pwnc o’u dewis.

Person sydd wedi llwyddo i gwblhau gradd.

Os ydych yn astudio oddi cartref, byddwch yn byw mewn neuaddau preswyl yn eich blwyddyn gyntaf. Mae’r rhan fwyaf o neuaddau preswyl yn cynnwys fflatiau gydag ystafelloedd gwely preifat a mannau byw i’w rhannu, fel y gegin.

Addysg Uwch yw’r cam nesaf mewn addysg ar ôl i fyfyrwyr gwblhau BTEC, Lefel A neu gymhwyster cyfatebol yn y Coleg neu’r Chweched Dosbarth. Gallwch astudio cwrs Addysg Uwch mewn prifysgol, coleg neu fel rhan o brentisiaeth lefel uwch neu radd. Wrth gwblhau Addysg Uwch, bydd myfyrwyr yn gweithio at gyflawni Gradd Anrhydedd Israddedig, Gradd Sylfaen, Tystysgrif BTEC Broffesiynol neu Radd-brentisiaeth. Cyfeirir at y rhain hefyd fel cymwysterau Lefel 4 (neu uwch).

Uned astudio o fewn gradd sy'n edrych ar faes neu bwnc penodol.

Dull addysgu yn y brifysgol. Dosbarthiadau mawr mewn ystafell gyda seddi mewn haenau, a darlithydd yn siarad yn y blaen wrth i chi wneud nodiadau.

Diwrnod lle gallwch ymweld â’r brifysgol a chael profiad uniongyrchol ohoni, cwrdd â staff, ymweld â chyfleusterau addysgu ac edrych ar lety myfyrwyr. Hefyd, mae Diwrnodau Ymweld ychwanegol i Ymgeiswyr a Diwrnodau Ymweld i Ddeiliaid Cynnig y gallwch eu mynychu ar ôl gwneud cais neu ar ôl cael cynnig.

Llyfryn wedi’i argraffu neu lyfryn ar-lein sy’n hysbysebu prifysgol neu goleg a’u cyrsiau.

Myfyriwr sydd wedi cwblhau gradd israddedig ac sy’n astudio gradd uwch, fel Gradd Meistr neu PhD.

Rhaglenni gradd sy’n cynnwys rhywfaint o amser yn gweithio mewn diwydiant cysylltiedig neu’n astudio dramor.

Y tymor addysgu yn y Brifysgol. Yn yr un modd â thymhorau ysgol, mae 3 semester prifysgol fel arfer.

Dosbarth yn y brifysgol lle mae grŵp llai yn trafod pwnc penodol.

Dyma’r benthyciad i dalu eich ffioedd a'ch costau byw. Yn wahanol i grant, bydd yn rhaid ei dalu'n ôl ond dim ond pan fyddwch yn ennill mwy na swm penodol.

Mae ffioedd dysgu yn talu am gost eich astudiaethau a gallan nhw amrywio yn dibynnu ar eich cwrs a ble rydych yn astudio.

Cyfarfodydd unigol neu mewn grwpiau llai gydag aelod o staff.

Mae ‘Gwasanaeth Derbyn y Prifysgolion a'r Colegau’ neu UCAS yn gyfrifol am brosesu ceisiadau am gyrsiau mewn prifysgolion yn y DU. Mae’r broses ymgeisio (gan gynnwys dewisiadau a datganiadau personol) i gyd ar-lein yn www.ucas.com

Os ydych yn bodloni neu'n rhagori ar eich dewis cyntaf, mae’n bosibl newid y brifysgol rydych yn bwriadu astudio ynddi.

Dyma sut mae prifysgolion a cholegau yn llenwi unrhyw leoedd gwag sydd ganddyn nhw ar eu cyrsiau. Rydych yn dod o hyd i gyrsiau sydd â lleoedd gwag ac yn cysylltu â’r prifysgolion neu’r colegau’n uniongyrchol i weld a fyddan nhw’n cynnig lle i chi.

Gwneud cais am gwrs ac yna cymryd blwyddyn allan cyn mynd i’r brifysgol.

Mae pwyntiau tariff UCAS yn trosi eich cymwysterau a’ch graddau yn werth rhifol. Mae gan lawer o gymwysterau (ond nid pob un) werth tariff UCAS, a fydd yn amrywio yn ôl maint y cymhwyster, a’r radd a gawsoch.

Os ydych chi wedi defnyddio pob un o'ch pum dewis ar eich cais gwreiddiol ond ddim wedi cael cynnig, gallwch ychwanegu dewis arall gan ddefnyddio Extra rhwng mis Chwefror a mis Gorffennaf.

Mae cynnig amodol yn golygu bod angen i chi fodloni’r gofynion o hyd (ee canlyniadau arholiadau). Mae cynnig diamod yn golygu bod gennych le, er efallai y bydd ychydig o bethau i'w trefnu o hyd. Mae rhai prifysgolion yn gwneud cynigion cyd-destunol i fyfyrwyr y gallai eu hamgylchiadau personol fod wedi cyfyngu ar eu llwyddiant yn yr ysgol neu'r coleg. Mae'r cynigion hyn yn aml yn un radd yn is na’r gofynion mynediad.

Dyma’r adran ar eich ffurflen gais UCAS lle gallwch ddweud wrth brifysgolion a cholegau pa mor addas ydych chi ar gyfer y cwrs/cyrsiau rydych yn gobeithio eu hastudio. Dim ond un datganiad sydd gennych ar gyfer pob un o’ch dewisiadau.

Myfyriwr sy’n astudio ei radd gyntaf ar hyn o bryd.