Beth yw addysg uwch
Addysg uwch yw’r cymwysterau a’r cyrsiau y gallwch eu dilyn ar ôl troi’n 18 oed.
Mae llawer o wahanol fathau o gymwysterau addysg uwch, fel:
- diploma
- gradd baglor
- gradd sylfaen a blwyddyn sylfaen
- HTQ
- prentisiaeth lefel gradd
Addysg uwch yw’r cymwysterau a’r cyrsiau y gallwch eu dilyn ar ôl troi’n 18 oed.
Mae llawer o wahanol fathau o gymwysterau addysg uwch, fel:
Y cam cyntaf wrth wneud cais i unrhyw brifysgol yw dewis cwrs yr hoffech ei astudio a pha brifysgol yr hoffech fynd iddi. Mae hyn yn hawdd i rai myfyrwyr gan eu bod yn gwybod pa yrfa yr hoffen nhw ei dilyn yn y dyfodol neu ba bwnc y mae ganddyn nhw’r diddordeb mwyaf ynddo. Os ydych chi yn y sefyllfa yma, mae hynny’n grêt. Ond, efallai y bydd y rhan yma o’r broses yn anodd iawn i bobl eraill. Mae’n gallu bod yn anodd iawn gwybod yn union beth yr hoffech chi ei wneud yn y dyfodol ac mae’n hollol iawn teimlo’n ansicr.
Os ydych ychydig yn ansicr ynghylch yr hyn yr hoffech ei wneud yn y Brifysgol, rydyn ni’n argymell eich bod yn dechrau gydag UCAS, sef Gwasanaeth Derbyn y Prifysgolion a’r Colegau.
Mae UCAS Search yn gadael i chi chwilio yn ôl:
Mae The Uni Guide yn adnodd gwych arall. Mae gan wefan The Uni Guide wybodaeth a chanllawiau a allai eich helpu i ddewis cwrs a sefydliad sy’n addas i chi. Mae ganddyn nhw gyngor defnyddiol yn ogystal â’r adnodd ‘A-level Explorer’ sy’n dangos i chi ble gallai eich pynciau Lefel 3 eich arwain!