Nod Partneriaeth Ymestyn yn Ehangach De Ddwyrain Cymru yw cynyddu cyfranogiad pobl o grwpiau a chymunedau sy’n cael eu tangynrychioli yn Ne Ddwyrain Cymru mewn addysg uwch, gan ganolbwyntio’n benodol ar bobl sy’n byw yn 40% isaf Mynegai Amddifadedd Lluosog Cymru, pobl ifanc sydd â phrofiad o ofal, a gofalwyr.
Mae Partneriaeth Ymestyn yn Ehangach De Ddwyrain Cymru yn rhaglen gydweithredol dan arweiniad timau cyflawni ym Mhrifysgol De Cymru, Prifysgol Metropolitan Caerdydd a Phrifysgol Caerdydd. Rydyn ni’n cyflawni nodau Ymestyn yn Ehangach drwy gyfres o raglenni i gefnogi’r gwaith o wella cyrhaeddiad, cynyddu ymwybyddiaeth a rhoi cymorth ar gyfer symud ymlaen i addysg uwch a chyfleoedd dysgu lefel 4.
Rydyn ni’n rhan o gontinwwm o gefnogaeth i ddysgwyr yn Ne Ddwyrain Cymru ac rydyn ni’n gweithio mewn partneriaeth i gyflwyno’r ‘rhaglenni cywir ar yr adeg iawn’ i wella llwybrau dilyniant i Addysg Uwch.
Mae tîm Ymestyn yn Ehangach De Ddwyrain Cymru yn gweithio mewn chwe awdurdod lleol yn Ne Ddwyrain Cymru. Mae’r chwe awdurdod lleol hyn wedi cael eu dewis gan ddefnyddio dull sy’n seiliedig ar wybodaeth, gan flaenoriaethu dysgwyr o ardaloedd o amddifadedd economaidd-gymdeithasol uwch:
Mae’r Tîm Cyflawni Canolog ym Mhrifysgol Metropolitan Caerdydd yn gwasanaethu Dinas a Sir Caerdydd
Mae Tîm Cyflawni’r Dwyrain ym Mhrifysgol Caerdydd yn gwasanaethu Casnewydd, Blaenau Gwent a Chaerffili
Mae Tîm Cyflawni’r Gorllewin ym Mhrifysgol De Cymru yn gwasanaethu Rhondda Cynon Taf a Merthyr Tudful
I gael rhagor o wybodaeth am ein rhaglenni, cysylltwch â ni