Cynradd

Mae ein rhaglen flaengar a pharhaus sydd wedi’i gwerthuso yn cynnig dysgu unigryw, cyfleoedd i feithrin sgiliau a phrofiadau o addysg uwch. Mae’n galluogi dysgwyr i wneud penderfyniadau gwybodus ac mae’n agor llwybrau i addysg bellach ac addysg uwch.

Mae’r rhaglen ymyrraeth yma’n cyfrannu at y Pedwar Diben ac mae wedi’i chysylltu â’r Meysydd Dysgu a Phrofiad. Drwy gydol y rhaglen ymyrraeth bydd pobl ifanc yn cael cyfleoedd i wneud y canlynol:

  • meithrin gwybodaeth, sgiliau a dealltwriaeth o addysg uwch.
  • edrych arnyn nhw eu hunain, ystyried cyfleoedd, ac ehangu eu gorwelion.

Mae’r rhaglen yn ategu darpariaeth ysgolion ac mae’n cael ei chyflwyno mewn partneriaeth ag ysgolion, sefydliadau addysg uwch a phartneriaid allweddol eraill lle bo hynny’n briodol

Mae Holl Raglenni Ymestyn Yn Ehangach Yn:

  • Bodloni o leiaf un o flaenoriaethau Ymestyn yn Ehangach: Pontio, Dyhead, Cyrhaeddiad, Cyflogadwyedd, Cynhwysiant.
  • Cyd-fynd â’r ddarpariaeth leol ar draws y Cyfnodau Allweddol / Camau Cynnydd: ysgol, coleg, Gyrfa Cymru ac ati.
  • Rhan o fodel ail-ymyrraeth ac mae ganddyn nhw ‘ddarpariaeth cam nesaf’ ar gyfer llwybrau dysgwyr i addysg uwch.
  • Meddu ar ddull cadarn a chyson o ran gwerthuso, effaith ac adrodd.
Gogledd a Chanolbarth Cymru

Rydyn ni’n gweithio gydag ysgolion a theuluoedd blaenoriaeth i gefnogi dysgwyr gyda gweithgareddau priodol yn yr ysgol a’r tu allan i’r ysgol.

Dyma ein nodau:

  • Gwella dyheadau, ymwybyddiaeth a gwytnwch dysgwyr drwy’r gweithgareddau sy’n helpu myfyrwyr i ddod yn fwy uchelgeisiol a galluog.
  • Helpu’r dysgwyr i ddatblygu sgiliau Cymraeg a diwylliant Cymru.
  • Darparu gweithgareddau ymgysylltu sy’n cefnogi dysgwyr i ddatblygu sgiliau trawsgwricwlaidd mewn llythrennedd, rhifedd a chymhwysedd digidol.
De Ddwyrain Cymru

Mae partneriaeth De Ddwyrain Cymru, sy’n cynnwys timau Ymestyn yn Ehangach ym Mhrifysgol De Cymru, Prifysgol Caerdydd a Phrifysgol Metropolitan Caerdydd, yn darparu rhaglen gyfun sy’n cyflwyno addysg uwch i ysgolion drwy’r cynnig Fi yn y Dyfodol ac mae’n cyflwyno pobl ifanc i addysg uwch drwy’r Rhaglen Llwybrau Llwyddiant.

Mae’r rhaglen yn darparu gweithdai rhyngweithiol a diddorol yn yr ysgol gydag amrywiaeth o weithgareddau a phrofiadau ar draws Cyfnodau Allweddol Dau, Tri a Phedwar.

Ysbrydoli yw’r enw ar ein rhaglen Fi yn y Dyfodol ar gyfer Cyfnod Allweddol 2 ac mae’n cefnogi’r broses o drosglwyddo dysgwyr Blwyddyn 6 i ysgolion uwchradd drwy weithdai rhyngweithiol.

I gael gwybod a yw eich ysgol yn cael ei thargedu gan Ymestyn yn Ehangach, a’r hyn y gallwn ei gynnig, tarwch olwg ar ein manylion cyswllt: reachingwider@southwales.ac.uk

De Orllewin Cymru

Rydyn ni’n cynnig amrywiaeth o weithgareddau cyffrous i ddisgyblion Blwyddyn 6 yn yr ysgolion cynradd rydyn ni’n eu targedu. Mae’r gweithgareddau’n cynnwys:

  • Ymweliadau â phrifysgolion
  • Sesiynau pontio
  • Gweithgareddau rhifedd, llythrennedd a STEM
  • Gweithdai meithrin llesiant a hyder

“Mae’r diwrnod yn rhoi cipolwg newydd i ddisgyblion ar fywyd prifysgol, sy’n wahanol iawn i fywydau llawer ohonyn nhw.”
‍
I gael gwybod a yw eich ysgol yn cael ei thargedu gan Ymestyn yn Ehangach a’r hyn y gallwn ei gynnig, tarwch olwg ar ein manylion cyswllt isod:
Rhif ffôn: 01792 602 128
reachingwider@swansea.ac.uk