Hysbysiad Preifatrwydd Cenedlaethol Ymestyn yn Ehangach

Pwrpas yr hysbysiad preifatrwydd hwn yw eich helpu i ddeall pam mae Ymestyn yn Ehangach yn gofyn am eich data personol, sut rydym yn defnyddio eich data, ein rhwymedigaethau o dan y gyfraith a’ch hawliau.

Dim ond yn unol â’r hysbysiad preifatrwydd hwn y bydd y wybodaeth a ddarperir gennych yn cael ei phrosesu, ac yn unol â’r rhwymedigaethau a nodir yn Neddf Diogelu Data 2018 (DPA), Rheoliad Diogelu Data Cyffredinol y DU (GDPR y DU) a deddfwriaeth gysylltiedig.

Mae Ymestyn yn Ehangach yn cynnwys tair partneriaeth ar wahân. Bydd rheolwyr eich data yn dibynnu ar y bartneriaeth yr ydych yn ymgysylltu â hi:

• Gogledd a Chanolbarth Cymru – Prifysgol Bangor yw’r rheolydd. Mae sefydliadau addysgol eraill yn rhanbarth Gogledd Cymru yn prosesu’r data ar ran Prifysgol Bangor.
• De-ddwyrain Cymru – mae Prifysgol De Cymru, Prifysgol Caerdydd a Phrifysgol Fetropolitan Caerdydd yn igyd-reolwyr.
• De-orllewin Cymru – Prifysgol Abertawe yw’r rheolydd. Mae sefydliadau addysgol eraill yn rhanbarth De Orllewin Cymru yn prosesu’r data ar ran Prifysgol Abertawe.

¹Cyd-reolwyr – mae hyn yn golygu bod y prifysgolion hyn yn gyd-gyfrifol am bennu pwrpas a dulliau prosesu’r data personol. Mae gan bob partneriaeth gytundeb sy’n nodi rolau a chyfrifoldebau’r sefydliadau.

Pa wybodaeth mae Ymestyn yn Ehangach yn ei gasglu am gyfranogwyr?

Mae’n bosib y byddwn yn casglu’r holl ddarnau canlynol o wybodaeth ar gyfer yr holl gyfranogwyr sy’n cymryd rhan yn ein gweithgareddau, mae hyn yn helpu Ymestyn yn Ehangach i ddangos bod ein gweithgareddau’n ymgysylltu â phobl ifanc o gefndiroedd sydd wedi’u tangynrychioli ar hyn o bryd ym maes Addysg Uwch. Mae’n bosib y bydd gwybodaeth a nodir gan * yn cael ei rannu â thrydydd parti ar gyfer olrhain taith addysgol y cyfranogwr a/neu ddibenion ymchwil gan gynnwys Gwasanaeth Derbyn y Prifysgolion a’r Colegau (UCAS).

• Enw*
• Dyddiad geni*
• Rhyw*
• Cyfeiriad cartref a chod post*
• Rhif Unigryw’r Dysgwr*
• Ysgol / Coleg / Sefydliad*
• Lefel uchaf o addysg (oedolion yn unig)
• Os aeth rhiant/rhieni neu frawd neu chwaer y cyfranogwr i Brifysgol. (Nid yw darparu’r wybodaeth hon yn
  hanfodol ond mae’n caniatáu i Ymestyn yn Ehangach adrodd ar nifer y cyfranogwyr a allai fod y cyntaf yn eu teulu i fynd i’r brifysgol) A oes gan y cyfranogwr brofiad o fod yn y system ofal (Nid yw darparu’r wybodaeth hon yn hanfodol ond mae’n caniatáu Ymestyn yn Ehangach i adrodd ar grŵp heb gynrychiolaeth ddigonol a rhoi mynediad â blaenoriaeth i rai digwyddiadau)
• Yn ystod digwyddiadau mae’n bosib y bydd staff Ymestyn yn Ehangach neu drydydd parti dan gontract gan Ymestyn yn Ehangach yn tynnu a chyhoeddi lluniau (gyda chydsyniad) i’w defnyddio at ddibenion marchnata megis ar ein gwefan, yn ein cylchlythyr neu ar gyfrifon cyfryngau cymdeithasol.
• Os byddai cyfranogwyr / rhiant / gwarcheidwad yn dymuno derbyn gohebiaeth farchnata gan Ymestyn yn Ehangach am weithgareddau perthnasol eraill.
• Dewis iaith
• A yw’r cyfranogwr yn ofalwr i aelod o’r teulu neu ddibynnydd
• A yw’r cyfranogwr yn cael prydau ysgol am ddim neu Lwfans Cynhaliaeth Addysg (EMA)
• Anabledd¹
• Ethnigrwydd¹

¹Ni fydd gwybodaeth ar Anabledd ac Ethnigrwydd yn cael ei rannu gyda thrydydd parti ond bydd yn cael ei defnyddio i hysbysu’r Asesiad o’r Effaith ar Gydraddoldeb ar gyfer monitro cydraddoldeb

Mae Ymestyn yn Ehangach hefyd angen gwybodaeth orfodol ychwanegol fel y gall staff Ymestyn yn Ehangach a thrydydd parti sy’n darparu ar ran Ymestyn yn Ehangach ddarparu cymorth priodol a sicrhau iechyd a diogelwch yr holl gyfranogwyr a staff. Mae’r rhain yn cynnwys:

• Gwybodaeth anabledd
• Manylion cyswllt brys
• Gofynion dietegol
• Gofynion diwylliannol
• Alergeddau
• Trefniadau meddygol
• Meddyginiaeth a gymerir
• Caniatâd rhieni i roi paracetamol i’r sawl dan 16 pe bydd yr angen yn codi

Yn flynyddol, mae Partneriaeth Dde Ddwyrain Cymru yn derbyn rhywfaint o wybodaeth am bob disgybl mewn grŵp blwyddyn yn uniongyrchol gan ysgolion sy’n cymryd rhan, cyn trefnu gweithgareddau. Mae hyn at ddibenion gwerthuso, monitro, ymchwil er budd y cyhoedd a threfnu gweithgareddau – gweler ‘pam mae Ymestyn yn Ehangach yn casglu’r wybodaeth hon’. Rhennir y wybodaeth o dan delerau Cytundeb Datgelu Data sy’n dangos bod y partneriaid wedi ystyried gofynion y ddeddfwriaeth diogelu data. Dylai eich ysgol fod wedi dweud wrthych os ydynt wedi ymrwymo i’r cytundeb hwn a byddwch yn gallu optio allan drwy gysylltu â’r ysgol.

Pa wybodaeth mae Ymestyn yn Ehangach yn ei gasglu am athrawon / cysylltiadau eraill?

Trwy ffurflen ar-lein ar wefan Ymestyn yn Ehangach, rydym yn casglu’r darnau canlynol o wybodaeth gan athrawon a chysylltiadau eraill sy’n dymuno gwybod am weithgareddau Ymestyn yn Ehangach; ynghyd â derbyn y cylchlythyr a chyfleoedd perthnasol eraill ar gyfer eu hysgol/coleg.

• Manylion cyswllt
• Maes pwnc
• Swydd yn yr ysgol/coleg
• Cyfrifoldeb dysgu ar gyfer pa grwpiau blwyddyn
• Dewis iaith
• Ysgol / Coleg

Pam mae Ymestyn yn Ehangach yn casglu’r wybodaeth hon?

Mae Ymestyn yn Ehangach yn casglu gwybodaeth ar unigolion am y pum rheswm canlynol.

1. At ddibenion monitro, sy’n caniatáu i Ymestyn yn Ehangach:
   • cyflawni gofynion adrodd allanol gorfodol i gyrff rheoleiddio fel Medr (y Comisiwn Addysg Drydyddol ac Ymchwil).
   • ddarparu darlun clir o’r gweithgareddau rydym yn eu cyflwyno a’r bobl rydym yn gweithio gyda hwy.
   • sicrhau ein bod yn cyrraedd y sawl a allai buddio fwyaf o weithgareddau allgymorth.
2. At ddibenion ymchwil a gwerthuso sy’n ein helpu i asesu effeithiolrwydd gwahanol fentrau ar ehangu mynediad at Addysg Uwch. Mae hyn yn cynnwys olrhain taith addysg cyfranogwyr yn ddienw dros yr hir dymor, er mwyn adnabod faint o gyfranogwyr Ymestyn yn Ehangach sy’n mynd ymlaen i astudio yn y brifysgol.
3. Er mwyn adnabod cyfranogwyr sy’n perthyn i grwpiau sydd wedi’u tangynrychioli mewn Addysg Uwch a sicrhau bod pobl o’r grwpiau hyn yn cael blaenoriaeth o ran mynediad at weithgareddau Ymestyn yn Ehangach. Am ragor o wybodaeth am hyn gweler y wybodaeth ar wefan Medr.
4. Er mwyn sicrhau iechyd a diogelwch a llesiant yr holl gyfranogwyr yn ein rhaglenni a chynorthwyo gydag anghenion bugeiliol a lles e.e. sicrhau ein bod yn ymwybodol o gyflyrau meddygol ac anableddau.
5. Er mwyn anfon gwybodaeth berthnasol ac angenrheidiol yn ymwneud â gweithgareddau sydd ar y gweill ynghyd â gohebiaeth marchnata.